'Nge Steve 'Na Vota.....  (del Prof. Mimmo Nocera)
			pagina 4
	Addò stanno Cicerenella, 'a Piciala,  Maria d'ò passero, Se n'anno fatte strascine! Ati tiempe! Ati tiempe! Po' tutto è furnuto! Ma si passate pè basce 'e galesse, quanno 'e suonne se ne vanno a spasso truvate a don Ciccio 'e pappalone che pè 'na tazzulella 'e cafè, fa fa 'na prucessione. 'Nu poco cchiù nnante, 'nge stà don Gabriele 'o farmacista: vasette, buccaccielle e valanzelle, semmenze 'e lino e cammumille: pè tutt'e malatie tene sempe 'nu remmerio: 'o mal'e panze d'è piccirille! 'o sciruppo 'e ceveze! 'o 'mbarazzo 'e viscere pè cchiù grussicielle, 'na bella purga 'e sale 'nglese! Avutate appena 'o vico e 'nge truvate, un'appriesso all'ato, Luiggi 'o cucchiero e 'o Mpagliatiello che stanno 'ncoppo 'e carruzzelle fanno 'na cosa sola cu 'o cavallo: 'nzieme dormeno e 'nzieme mangeno E, si dint'ò cchiù bello vene 'nu cliente, 'e siente 'e dì: ''Ahè, proprio mò aveva 'a venì 'stu scassambrelle?''....